BOKSCHINI O’RGATISH VA MASHQ QILDIRISH TAMOYILLARI, USLUBLARI, VOSITALARI

Аннотация

Tamoyillar – bokschini o’rgatish, tarbiyalash va mashq qildirish qonuniyatlarini ifodalovchi umumiy nazariy qonuniyatlardir. Bokschini o’rgatish va mashq qildirishda quyidagi tamoyillar guruhi amalga oshiriladi:

1. Pedagogik (didaktik) tamoyillar (onglilik va faollik tamoyili, ko’rgazmalilik tamoyili, muntazamlik va ketma-ketlik tamoyili, tushunarlilik va individuallashtirish tamoyili).
2. Sport mahoratini takomillashtirish tamoyillari (malakaning mustahkamligi va variantliligi tamoyili, muvofiqlik tamoyili, qoplash (kompensatsiya) tamoyili, yo’naltirilgan tarzda birgalikda olib borish tamoyili).
3. Sport mashg‘uloti tamoyillari (umumiy va maxsus jismoniy tayyorgarlikning birligiga erishish tamoyili, mashg‘ulot jarayonining takroriyligi va uzluksizligi tamoyili, ssikllilik tamoyili, mashg‘ulot yuklamalarini asta-sekin oshirish tamoyili), Murabbiy pedagogik jarayonni tashkil etishning asosiy qonuniyatlarini ifodalovchi shu hamma tamoyillarni amalga oshira turib, bokschiga maxsus bilimlar, ko’nikma va malakalarni tez hamda samarali o’zlashtirishga va bunda ancha kam kuch sarflashga yordam beradi. Hamma tamoyillar o’zaro bog‘liq va bir-birini to’ldiradi.