OLMON TILIGA O’ZLASHGAN SO‘ZLARNING LINGVISTIK TAHLILI

Abstract

Dunyoda boshqa xalqlar bilan aloqada bo‘lmaydigan, alohida ajralib yashaydigan xalqlar yo‘q. Xattoki Janubiy Amerika changalzorlarining odam oyog’i yetmagan joylarida yashovchi qabilalar ham qandaydir yo‘l bilan tashqi dunyo bilan aloqada bo‘lishlari isbotlangan. Ularning tillarida ham o‘zga tillardan o‘zlashgan so‘zlar kuzatilgan. Albatta, qadimda xalqlarning bir joydan ikkinchi joyga ko‘chishi, bosqinchilik urushlari, savdo — sotiq, diniy muloqotlari tufayli o‘zaro aloqalar yo‘lga qo‘yilgan. Ayniqsa, urushlar tufayli g’olib xalq tilining mag’lub xalq tiliga, yoki aksincha, mag’lub xalq tilining g’olib xalq tiliga o‘ta faol ta’siri natijasida tillarga yangi so‘zlar o‘zlashishi jarayoni kuzatilgan.