ТИББИЙ-КРИМИНАЛИСТИКА ЭКСПЕРТИЗА ВА ТЕКШИРУВЛАРДА РЕНТГЕНОЛОГИК УСУЛНИНГ АҲАМИЯТИ

Abstract

Долзарблиги: Ҳозирги вақтда суд тиббиёти амалиётини рентгенологик текширувларсиз тасаввур қилиш қийин ва қуйидаги мақсадларда қўлланилади:

• тирик шахсларнинг рентген текширувида суякларда синишлар мавжудлиги, характери, муддати, ёт таначалар локализацияси ва шахслар ёшини аниқлаш;
• мурдаларда ёт таначалар локализацияси, чақалоқларнинг етуклигини аниқлаш ва бошқалар;
• тиббий кримналистика бўлимида эса кенг қамровли текширувлар ўтказилади: суяк қолдиқлари бўйича ёшни аниқлаш, суяклардаги синишларнинг характери, муддати, ўқ-отар қуролларидан етказилган жароҳатларда порох заррачалари ва металлизация белгиларини аниқлаш. Мурда ва тирик шахслар экспертизасида, шунингдек ашёвий далилларнинг экспертиза ва текширувларида нафақат шахснинг молекуляр-генетик идентификацияси ва биологик мансублигини аниқлаш ҳамда наркотик ва психоактив моддаларни суд-кимё ва токсикологик-кимё таҳлилларида, балки шахс ва жароҳат қуролларини аниқлаш (тиклаш) каби тиббий-криминалистик тадқиқотларда ҳам юқори технологик текширув усуллардан фойдаланиш кун тартибидаги асосий масалалардан биридир.