ZAMONAVIY O`ZBEK SHE’RIYATIDA NAFS KO`RINISHLARINING BADIIY TALQINI (ERKIN VOHIDOV VA OMON MATJON IJODI MISOLIDA)

Abstrak

Annatatsiya: ushbu maqolada zamonaviy o`zbek she’riyatida nafs ko`rinishlarining badiiy talqini Erkin Vohidov va Omon Matjon ijodi misolida tahlil qilinadi. Erkin Vohidov she’riyatidagi falsafiy chuqur ma’nolar insonni to`g`ri yashashga yetaklaydi. Bu she’rlar qatiga singdiib yuborilgan mavzular olami turfa xildir. Mavzuni bir voqea misolida voqeaband qilib tasvirlash shoir ijodida boshqalardan ajralib turadigan farqdir. Erkin Vohidov o`z o`quvchisiga obrazlari orqali, shunchaki, nafs hodisalarini emas, uning asl mohiyatini anglatadi. Zabardast adibimiz Omon Matjon esa nafs egalari haqida yozarkan ularni yurt qonini so`rib, o`z nafsin qondirguvchi pashshaga o`xshatadi. Adib ijodida akslangan obrazlar zamonaviy adabiyotda zamonga mos harakat qiladi. Uning she’rlarida dunyo – inson –nafs uchligi birga harakat qiladi va qaysi yo`l ma’qulligini insonning o`ziga qo`yib beradi. Nafsdan xalos bo`lish uchun qalbni iymon yog`dusiga to`ldirish joizligini uqtirib o`tadi.