GLOBALLASHUV SHAROITIDA OZIQ-OVQAT XAVFSIZLIGI HOLATI VA UNI TA’MINLASHNING RIVOJLANISH TENDENTSIYALARI
Abstract
O‘zbekistonda oziq-ovqat xavfsizligini ta’minlash bo‘yicha huquqiy va institutsional asoslar davlat siyosatining ustuvor yo‘nalishlaridan biri hisoblanadi. O‘zbekiston oziq-ovqat xavfsizligini ta’minlash uchun xalqaro standartlarga mos qonunchilik bazasi va institutsional tizimni rivojlantirish ustida faol ishlamoqda. Bu sohadagi muvaffaqiyat oziq-ovqat mahsulotlari sifatini oshirish va aholini xavfsiz oziq-ovqat bilan ta’minlashga xizmat qiladi.
O‘zbekiston Respublikasi Prezidentining "2020–2030-yillarda oziq-ovqat xavfsizligini ta’minlash strategiyasi" O‘zbekiston oziq-ovqat sanoatini rivojlantirish, barqaror qishloq xo‘jaligini ta’minlash, va aholini xavfsiz oziq-ovqat mahsulotlari bilan ta’minlash maqsadida qabul qilindi. Bu strategiya davlatning oziq-ovqat xavfsizligi sohasidagi uzoq muddatli siyosatini belgilaydi.
