ERTA QARISHGA SABAB BO’LADIGAN OMILLAR

Abstract

Aʼzo va sistemalarda oʻziga xos oʻzgarishlar roʻy berib boradi, bu esa asta-sekin 
organizmning hayotga moslashuv imkoniyatlari susayishiga olib keladi. Odamlarning 
qarilik  davri  75  yoshdan  keyin  boshlanadi  (90  yoshdan  oshgan  kishilar  uzoq  umr 
koʻruvchilardir), bu fiziologik qarilikdir bunda aqliy va jismoniy quvvat, maʼlum ish 
qobiliyati, xushchaqchaqlik va atrofga qiziqish saqlanadi. Turli noxush tashqi va ichki 
taʼsirotlar barvaqt yoki patologik qarishga olib keladi. Odatda, qarishning dastlabki 
belgilari odamda  yetuklik davridan (shartli ravishda 60 yoshdan) soʻng boshlanadi. 
Lekin aslini olganda, qarish organizmning oʻsishi va rivojlanishi toʻxtagandan keyin 
sezila boshlaydi. Masalan, 30—35 yoshlarda biologik jarayonlarning faollik darajasi 
pasaya boshlaydi. Qarish turli toʻqima va aʼzolarda bir vaqtda boshlanmaydi va turli 
darajada kechadi, u organizm hujayralari yashash xususiyatlarining asta-sekin susaya 
borishidan iborat. Dastlab qarilik tufayli boshlangan oʻzgarishlar amalda organizmning 
hayot sharoitlarining keskin oʻzgarishlariga moslashuvchanlik jarayonini buzmasada, 
ammo borabora yosh ulgʻayib, oʻzgarishlar kuchayganda organizm bunga endi ancha 
qiynalib moslashadi