SUN’IY INTELLEKT VA TAFAKKUR TERANLIGI:FALSAFIY-QIYOSIY TAHLIL

Аннотация

Sun’iy  intellekt  (SI)  zamonaviy  ilm-fan  va  texnologiya  sohasida  inqilobiy 
o‘zgarishlarni keltirib chiqardi. Ushbu fenomenning rivojlanishi tafakkur, aql va inson 
tabiatini  anglash  borasida  muhim  falsafiy  savollarni  yuzaga  keltirmoqda.  Mazkur 
tadqiqot  SI  va  tafakkur  teranligi  o‘rtasidagi  falsafiy  bog‘liqlikni  tahlil  qilishga 
qaratilgan. Asosiy diqqat markazi sun’iy intellekt imkoniyatlarini inson tafakkuri bilan 
qiyoslash, ularning o‘xshash va farqli jihatlarini aniqlashdir. 
Tahlilda SI texnologiyalari asosida rivojlangan algoritmik tafakkur, uning cheklovlari 
va insonning ijodiy va intuitsiyaga asoslangan tafakkuri bilan aloqasi ko‘rib chiqiladi. 
Shuningdek,  SI  ning  aqlning  mohiyatini  anglashga  ta’siri  hamda  falsafa  nuqtai 
nazaridan ehtimoliy xavflar va imkoniyatlar baholanadi. Tafakkur teranligi insonning 
“qanday  qilib  o‘ylash”  jarayoni  bilan  cheklanmasdan,  “nima  uchun  o‘ylash”  kabi 
savollarga javob izlashni ham nazarda tutadi. Shu nuqtai nazardan, SI bilan bog‘liq 
hozirgi davr muammolari falsafiy va qiyosiy tahlil asosida o‘rganiladi. 
Mazkur tadqiqot nafaqat texnologik taraqqiyot, balki insoniyatning intellektual 
va ma’naviy imkoniyatlarini yanada chuqurroq tushunishga yordam beradi. Tezis SI 
ning  kelajakda  inson  tafakkuri  va  ongini  qay  darajada  o‘zgartirishi  mumkinligini 
falsafiy jihatdan baholashni taklif etadi.