УМУМИЙ ТУРКИЙ АЛФАВИТ БЎЙИЧА ТАКЛИФЛАР ВА ЎРТАБИТИК ЁЗУВ ТИЗИМИ
Abstract
Туркий давлатлар ташкилоти ташкил қилган Умумий туркий алфавит
яратиш бўйича комиссияси томонидан тақдим қилинган лойиҳа (1-Жадвал)
асосан маъқул, лекин баъзи ўзгартиришлар ва қўшимчалар киритишни таклиф
қиламиз:
1) Туркий тилларнинг ҳар бир фонемасига лотин алфавити асосида битта
графема киритишни таклиф қиламиз. Ҳозирги лойиҳада битта [æ] фонемасига
икки харф – (Ə ə) ва (Ä ä) киритилиши режалаштирилмоқда. Умумий туркий
алфавитдаги 34та фонемага ҳар бирига биттадан графема тўғри келмаса, яъни
фонемалар ва графемалар орасида изоморфизм, яъни бирга бир мос келиш
мавжуд бўлмаса, туркий тилларнинг ахборот ресурсларини рақамлаштириш
жараёнида автоматик тарзда бехато транслитерация ва бехато транскрипцияга
қилиш имкони бўлмайди ва барча матнларни инсон қўшимча текшириб чиқиши
зарурати пайдо бўлади.
