ISLOM MOLIYASINING BUGUNGI KUNDAGI O’RNI

Abstrak

 
Mamlakatimizning  mustaqillikka  erishishi  ma’naviy  merosimiz,  jumladan, 
diniy  qadriyatlarimizning  qaytadan  hayotga  kelishiga  zamin  yaratdi.  Buyuk 
ajdodlarimiz ruhiga yuksak ehtirom ko‘rsatila boshlandi. Bu esa  ular qoldirgan boy 
ma’naviy  merosdan  xalqimiz  bahramand  bo‘lishi  uchun  chuqur  izlanishlar  olib 
borilishiga asos bo‘ldi. Madaniy merosimizni o‘rganishda islom dinining ham munosib 
o‘rni bor. 
Xalqimizning  hayot  tarziga  aylanib  ketgan  Islom  dinining  ilmiy 
yo‘nalishlaridan  biri  Islom  huquqshunosligidir.  Ushbu  fan,  uning  kelib  chiqish 
manbalarini o‘rganish  bu borada izlanish dinshunoslik sohasida faoliyat olib borishni 
maqsad  qilgan  mutaxassislar  oldida  turgan  dolzarb  vazifalardan  biridir.    Xususan, 
iqtisod har doim muhim hayotiy ehtiyoj bo‘lgani bois dolzarb mavzu bo‘lib kelgan.  
Shu sababdan har qanday jamiyat o‘z taraqqiyot yo‘lida iqtisodga alohida ahamiyat 
qaratgan. 
Hozirgi  dunyo  iqtisodiy  taraqqiyoti  o‘tgan  asrlarga  qaraganda    beqiyos 
darajada  rivoj  topganligi  barchaga  ayon  haqiqat.  Har  bir  ishning  tartib  intizomi 
bo‘lgani kabi Islomdagi tadbirkorlikning ham o‘z qonun-qoidalari bor. Tadbirkorlik 
masalasi inson hayoti bilan chambarchas bog‘liqligi bois buni bilish foydadan holi 
bo‘lmaydi.  Mustaqillikka  erishilgandan  buyon  yurtimizda  iqtisodiy  hamkorlik 
borasida bir qancha ishlar amalga oshirildi.